الحظ وقف مع المان وتشيلسي كان الأجدر

بسم الله الرحمن الرحيم

مبروك للمان ومشجعيه ونشكرهم على روحهم الرياضية الرائعة بعد المباراة ولكن أريد أن أقول- كلمة حق -
جميعنا رأى استحواذ المان اول 30 دقيقة وجميعنا قال أن المان بلا شك سيرفع الكأس وأتى الهدف الأول من رونالدو في الدقيقة 26 ولكن بعدها قدم تشيلسي أداء ولا أروع في باقي الشوط الأول وأسفر عن هدف من لامبارد في الدقيقة 45 بعده صفر الحكم بنهاية الشوط الاول

وفي بداية الشوط الثاني دخل تشيلسي وكلهم أمل في أن يدخوا التاريخ بكأسهم الاول لهذه البطولة, فرأينا استحواذ تام لفريق تشسلسي بثلاث كورضاعت في القائم والعارضة فالحظ لم يحافهم أبدا وكان فريق المانيو في حالة دفاع تامة - مثل ما كان أمام البرسا- تألق فيها ريو فيردناند ولم نرى كريستيانو وروني أبدا, وعلى مثل هذا الرتم كانت الأشواط الإضافية أيضا, وطرد في هذا الوقت دروغبا بعد تشابكه مع فيديتش , إلا كورة من قيقز خلصها الكابتن تيري من أمام المرمى بكل روعة, وصفر الحكم بنهاية الشوط الإضافي الثاني لتكون ركلات الحظ هي الفاصل

بدأت الركلات وأضاع رونالدو الركلة الثانية للمانيو توقعنا بعدها ان الفوز حليف تشيلسي , وأتت الركلة الحاسمة للكابتن تيري الذي كان بمقدوره أن ياتي بها ولكن الحظ أيضا وقف امامهم حيث تعثرت قدمه اليسرى وأضاع ركلة الجزاء, وبعد ذلك اضاع بلال انيلكا الركلة الأخيرة نتيجة تألق الحارس الكبير فان دير سار ليخرج المانيو رافعا الرأس حاملا الكأس وعيون لاعبي تشيلسي تذرف الدمع

وفي النهاية أتأسف على الإطالة واقول شكرا مانشستر, حظ أوفر لتشيلسي
ولكن بقي سؤال أخير هل سينتقل رونالدو إلى الريال أم سيبقى في المان ؟؟؟؟؟؟

والله مشكوووووور دحمي !!!!!
والمباراة كانت رائعة و كلنا شفنا اش سوو البلوز في المان (( شفناها مع بعض ))
بس اش نقول .... الصغير صغير !!!
ما يقدرو يجيبو بطولة حتا بعد هدية كرستيانو !!؟؟ و اضاعة البلنتي ؟؟؟
لو كان فريق تاني كان ح يتغل الفرصة !!!!
بس ترا مو اي فريق يكون نايم كم موسم بعدين يجي ياخد اكبر بطولة !!!
المانيو استمرت ابداعاته كم موسم و كان حصاد هذه المواااااسم بطولتين !!
شكرا عبود و عقبال البارسا السنة الجية
مبروك مانيو

يا حبيبي تشيلسي في دوري الأبطال أخر 4 سنوات قدم مستوى ممتاز وصل مرتين نصف نهائي ومرة نهائي يعني ما كان نايم, والحظ وقف أمامه أمس

بس برضوا مبروك للمان وعشاقه وان شا الله البرسا السنة الجية

انا ما اقللك كان متكي على جنب و ما سوا شي !!
بس بالله تقارن جهودو بالمان ؟؟!!؟؟!!
تشلسي ما اتعود على البطولات !! الصغير صغير
وشوف كيف كانت الامور ميسرة اما تشلسي و الفرق اللي واجهها !!!
ما عدا الليفر طبعا !!
اما المان كانت عندو مباريات صعبة و برضو عداها !!
و تشكرات و هارد لك حبي

يا جماعة ترى أنا ما أشجع تشيلسي أبدا ولكن أقول إنه قدم مستوى رائع ومبروك للمان (الزبدة)

طبعا قدم مستوا رااااااااااااااائع !!!
و كلنا عارفين انك برشلوني رجااااال !!!
زيي !!

السلام عليكم

اشكرك عبد الرحمن على موضوعك الجيد وتحليلك المنطقي

لكني من الي شفتو المباراة كانت متكافاه لكن كفت المان كانت اقوى اقلك ليييييش؟

زي مانتا قلت الشوط الاول كان للمان مييه في الميه ودا شي جدا طبيعي ولاتنسا انو تيفيز الاهبل ضيع هدفين محققه ميه في الميه وكانت اخطر من هجمات تشيلسي الشوط التاني زي ماقلت كورة دروقبا الي في العارضه

وبعدين الي خلا تشيلسي يضغط الشوط التاني ( هدف الحظ الي جا ) من طربقه وعلى فكره دي هيا اهداف تشيلسي ياحظ يادربكه ياصدفه

وشوف هدف النجم رونالدو واللله نقشة معلم بس شرف لتشيلسي وصلو معانا لضربات جزاء

والحظ صدقني كاان معاهم مو معاناااا وعلى قولكم رونالدو اعطااهم هديه

لكن زي ماقال يسور الكبير يفضل كبير الماااااان فريق بطولات وطبيعي جدا كانت لي دي البطوله لكن الغريب لو تشيلسي اخدها اصلا تشيلسي مايعرف الشهره والبطولات الا كم سنه امااااااا المان تاريخ ياقمر

السلام عليكم

الله يبارك فيك ميدو انتا وعبد الحمن

لكن مو عشان انا ماتستري حرام عليك والله تقول حظ وهدف تشيلسي الاول ماكان حظ الي اعطاهم دفعه معنويه

والاهداف الي ضيعها تيفيز والهدف التالت الي ضاع كماان من قيقس قدام البااااااااااااااااب

صدقني تشيلسي كان محظوظ مو المااااااااااان

تشيلسي

تشيلسي

تشيلسي

مافيها هرج لاكنها زحلطن من تيري الكلب

السلام عليكم
هاشم يقمر صح تشيلسي لعب مباراة كبيره لكن هدفهم الاول جا بدربكه كالعاده زي قدام اللفر صراحه تشيلسي هدفهم دا اعطاهم ثقه بالذات بعد المان ماضيع 3 اهداف حقيقيه ميع في الميه


واصلا دي البطوله باااينه للمان ( هو في غيرو )

أعترف يا بابا البلنتيات كانت محسووومه لتشلسي

بس ربي رحم المان بتاعكم دا إنو إلي شات البلنتي ((((( مدافع ))))))

ولا تقوللي باينه وما باينه للمان

نهايتها كانت تشلساويه لكن كما أسلفت عدت على خيييير

ويا محاسن الصدف

السلام عليكم

والله كلامك ابو عابد موزون ويدل على انك انسان فهيم وتفهم في الكوره -

هشوم حبيبي ( ابو سراج ) انا كنت باتكلم معاك عن التقييم في المباراة ما باتكلم عن ضربات الجزاء انتا ياعسل ماتقيم فريق من ضربات جزاء

اصلا ضربات الجزاء ضربات حظ سواء للمان او تشيلسي لكن بنتكلم عن المباراة بصفه عامه - بعدين بمنطق مين دا تشيلسي النادي الي مالو يومين تحت الاضواء تقارنو بالمان ( النادي التاريخي) اصلا لعب تشيلسي قدام المان انجاز بحد ذاته لتشيلسي ودا كلام معروووف

اصلا لو لا الله ثم الهدف الدربكه الحظ الي قدام الليفر ماكانو حلم تشيلسي يلعب مع اسياده وبرضو جاب هدف دربكه وحظ

وسلمووللي

يا شباب أسمحولي ما في حاجه إسمها حظ وما حظ

إسمو هدف وسجل من قبل لا عب تشلساوي

مو من مدافع من المان

لو إنو دخل من غلطه دفاعيه أو من غلطه من الحارس نقوول ممكن يكون حظ

وبعدين بكلامك دا يا أستاذ تقول إن فريق تشلسي كلو دربكه

إذا كان هدفو مع ليفر بول دربكه وهدفو مع تشلسي دربكه فمعناتو النادي دا مدربك و أنتهينا

هذا من وجهة نضري سلمووللي

السلام عليكم

هشوم يعسل انا اوافقك في وجهة النظر انو تشيلسي نادي دربكه مع انو في لعيبه كبار- يعني شوف تشيلسي قدام الليفر بالله مو حظ لما افضل لاعب من الليفر يجيبها في يابو اخر ثانيه-

بعدين قدامنا والله والله كمان حظ هدف تشيلسي مادري كيف دقت في لاعب وكملها في الباب دون اي مهاره تذكر-

بعدين هدفنا ياعسل مو مدافع الي جابو - ( كرستيانو رونالدو ) نقشها نقش في باب تشيلسي-

بعدين اعيد واكرر ضربات الجزاء ضربات حظ شوف افضل لاعبين ضيعو -فما تقيس مستوى الفريق من ضربات الجزاء-

مع انو النجم رونالدو اعطا تشيلسي هديه لكن ماعرفولها

الخلاصه ( دي البطوله للكبار) فما حلوه تشيلسي ياخدها

معليش الشوط الأول مو كلوا كان للمان إلى الدقيقة 25 تقريبا والباقي مع الشوط الثاني والأشواط الإضافية كان تشيلسي هو المستحوذ

السلام عليكم

حبيبي انا اشوف الشوط الاول للمان ماعدا الدقايق الاخيره الي اعطت تشيلسي الدفعه المعنويه بعد اضاعة تيفيز لجملة الاهداف المحققه والي كانت حتنهي المباراة من بدايتها - فسجلو هدف الحظ فازدادت معنوياتهم واتحسن اداءهم في الشوط التاني طبيعي جدا جاهم هدف هديه فمعنوياتهم ارتفعت ومع ذلك ضاعتلنا اهداف في الشوط التاني

اما الاشواط الاضافيه كانت متوازنه وانا ارشح كفة المان فيها - تشيلسي ضيع والمان ضيع اكتر- وحالة المان النفسيه كانت سيئه في الاشواط الاضافيه ندما على الاهداف الي ضيعوها -