حسن الكيتا...

اعتذر الحسن كيتا نجم فريق الااتحاد لكل المسؤولين وللعشب
السعودي ولمشاهدي القنوات الفضائية عن أفعاله المشينة التي صدرت منه في
نهائي كاس الملك للابطال وقال مهما أقل فلن اوفي لهم حقهم وعلى العموم أنا
الان في مكة المكرمة واديت العمرة وأقدم الان اعتذاري قبل السفر الى بلادي
لارتاح ومن ثم اقوم بالبحث عن مصلحتي ولكني نادم بالفعل واعتذر للجميع
وأتمنى من الجميع أن يسامحني لان ديننا الاسلامي يحثنا على ذلك وأردف كيتا الذي كان مرتديا
لباس أحرام للعمرة عشت أفضل أيامي في الاتحاد الذي بالفعل يعتبر ناديا نموذجيا وأتمنى الشفاء
العاجل لعضو الشرف المؤثر منصور البلوي لموافقه العديدة معي فهو رجل بمعنى الكلمة
وأقدم اعتذاري له بشكل خاص

هدي هيا الروح الرياضية من جد مو زي الفرق الخدمية التانية

عمار الموضوع ترى مو قديم (مغبر) هههههههههههههههههههههههه

السلام عليكم

كلام حلو من الكيتا الانسان مو عيب يغلط لكن العيب انو مايعترف بغلطو - وروح رياضيه واسلاميه جميله منو وبعدين ربك يسامح يحنا مانسامح -وياما في الدوري السعودي ناس غلطو باخص من كدى ومايعترفو - زي حركة حسين عبد الغني مع نور - لما دعس على بطن نور بغي يموتو ويجي في الاعلام يسوقها يقول ماكان قصدي الاجانب احسن مننا في الاعتراف بالخطا

السلام عليكم

ابو عابد ايوا والله سوالي شي ( مثال سيء للكوره السعوديه) وفي زيو كتير يا اخي اغلط بس اعترف بغلطك واعتذر ترى مو عيييب

وانا ما دخلتو في كل موضوع بس دا الموضوع لو هو وامثاله

يا عبووووووود !!!!
لا تزعل !!!!
لو ح تقعد ع الوحدة تتعب !!
هنا دخلو الاهلي !!
موضوع الهلال دخلو الاهلي !!
ما بقي موضوع ما يدخلو الاهلي !!
حتا في موضوع ال 11 صفر ح يكون الاهلي سبب في الخسارة هههههههه !!!

السلام عليكم

حلوه منك يسور 11 بس لاتعيدها

بعدين لايعديك عبد الله وتسير متعصب زيو انا ماجبت سيرت الاهلي ولا اي نادي تاني انا الي باقوله انو عندنا لعيبه (كامثال حسين ) العن من الكيتا ولا احد هرج والكيتا كلنا قمنا عليه مع انو اعتذر واعترف رسمياااااا-


اما حسين لما ضرب ( الكبير نور) واتقابلو معاه ما اعترف

بالله دي اخلاق رياضيه او اسلاميه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاختصار( خلينا حقانين وواقعيين ) وسلومللي

بعدين يسار بالله عليك حبيبي لاتعطو الاهلي فوق حجمو ترى في اتحاد وهلال

بعدين في موضوع الهلال لما الشباب قالو الاهلي لانو عبد الله العبيط كتب جمبه 1 وصنفو اصلا الاهلي مايتصنف في البطولات اتكلمو الحق وانتو الا تبغو تطلعو انو كل الي في المنتدى يجيبو سيرة الاهلي مين دا الاهلي - ؟؟؟؟؟؟؟؟؟؟؟؟


انا في السوني اللعب جاب اخويه فيه 11 بالظلم فضحتوني

والاهلي في الواقع اكل 6 بالله مو فضيحه للدوري السعودي( شوهتو سمعتنا -

السلام عليكم

انتا قلت هلال وطبعا ايمها ماكان في حكام اجانب واغلب البطولات بالغش ----- بس برضو الاول ودا المهم

والعميد ( والله يستحقها بكل جداره ) مع اني مني اتحادي

ثم الاهلي هههههههههههههههههههههههههههههههههههههههههههههه ( ابو 6 ) ومن بعدها ابو عابد كره الشباب ونسي انو افضل نادي دا الموسم

واالللهي حكم ياعمده

وزي ماقال أيام الهلال مافي غير شغل رشاوي

والإتحاد أخذها بكل جداره

وبعدين الأهلي

لاحظ (ماغلطت )سلممولي

السلام عليكم

يسور حبيبي يحنا قلنا الهلال اغلب بطولاتو اخدها ايمامها بالرشاوي والغش

والاتي صراحه ( العميد) يستحقها وبكل جدااره اما الاهلي ( من وجهة نظري)ماعاد يتصنف ضمن الكبار( اتحاد - شباب - هلال) واكبر دليل اكل 6 نتيجه ماياكلها الكبار وكانت قابله للزياده لولا خروج اللعيبه وعدم احترامهم للروح الرياضيه-

وصدقني لو اعتزل حسين الاهلي حيتحسن لانو هو الي ناكبهم بكبر سنو واخلاقو الغير رياضيه وسط الملعب- وصراحه مع العلم انو في لعيبه كبار ومحترمين امثال( مالك -تيسير--)


وتمنياتي للانديه السعوديه بالتوفيق



ملاحظه ( انا مني اتحااااااااااااااااااااااااااااااااااادي) لكن احب روحو ولعبووووو

السلام عليكم

عبد الله



بعد مايشفيك ان شاء الله

ياخي مو عشان الاهلي اكل 6 خلاص صار مالو داعي !!!!
كل فريق له هفوات !!!
الاهلي كبير رغما عن الجميع مع احترامي الكبيييييييييييييييييييييييير لكم

ادارة االاهلي ما وفرت الكتير للاهلي عشان كدا ما جابو ولا بطولة !!!!
اما الاتحادية كل شي متوفر للعيبة و برضو ما جابو شي !!!!!
مو تقعد تمسكلي النتايج !!!!

السلام عليكم

يسور انا اقدر حماسك وحبك لناديك ( الاهلي) ودا حق مشروع لكل مشجع

الاهلي نادي كبير ما اختلفنا

لكن صدقني مايتقارن بالاتحاد ( العميد) مع اني لا اهلاوي ولا اتحادي

لاتقلي اتوفر وما اتوفر وكلام فاضي طيب الاتحاد البلوي راح من عندهم ودي اكبر مصيييبه وبعدين الحظ ماخدم العميد قدم مستويات جدا جدا رائعه وكان ماسك الدوري للولا الحظ الي خدم الهلال كالعاده


ونفس الاماكنيات الي عند الاهلي عند العميد وبعدين العميد نادي وصل للعالميه وزي ماصنفو ابو عابد بانو التاني في البطولات (شهد شاهد من اهلها) تقوم تقللي الاهلي - الله يرحم ابوك فوووووووووووووووووق

يعني الهلال ما كفاكم تقولو انو يفوز بالغش !!!!
لا كمان طلع اذا ما غش يقوم الحظ يوقف معاه !!!!!!
انا اقتعنت بكلامك و عرفت انو الاتحاد احسن فريق في العالم و احسن من برشلونة و المانيو و الريال ......الخ
انو محمد نور احسن من ميسي و مارادونا و انو الكيتا احسن من عبد الغني !!!!
و اللي تبغاه يصير !!!!
كدا تمام ؟؟

السلام عليكم

يسار حبيبي لاتعصب ترى بنتكلم عن الدوري السعودي ايش دخل الانديه العالميه؟؟؟؟؟؟؟؟؟


بعدين انتا وانا وكلنا عارفين انو الاتي ماجاتو العموديه من فراغ ( عميد) وكمستوى افض الانديه السعوديه ونادي وصل للعالميه هو والنصر والهلال بدون نفاق واعلام سعودي( فريق اعلام وحظ) فلا نضحك على بعض

بعدين الكيتا وحسين اوسخ من بعض بس الفرق بينهم واحد اعترف بوساختو واتطهر واعترف وتاب

وواحد يبغا يفضل وسخ طووووووووول العمر